Солтанбәков Булат Фәйзерахман улы

1928 елның 18 ноябре, Казан – 2021 елның 20 гыйнвары, шунда ук.

Казан педагогика институтын тәмамлый (1950). 1947–1950 елларда Шәмәрдән урта мәктәбендә укыта, 1950 елда КПССның Чүриле район комитетында бүлек мөдире.

1953 елдан Казанда: урта мәктәптә укыта, 1954–1961 елларда КПССның Татарстан өлкә комитетында фән һәм мәктәпләр бүлеге инструкторы.

1961–1971 елларда Казан педагогика институтында. 1971 елдан – Казан мәдәният институтында, 1983 елдан Казан консерваториясендә марксизм-ленинизм кафедралары мөдире, 1989 елдан Казан университетының историография һәм чыганаклар белеме кафедрасы доценты.

1992–2005 елларда Татарстан Мәгариф хезмәткәрләренең квалификациясен күтәрү һәм яңадан әзерләү институтының мәдәният кафедрасы мөдире.

Хезмәтләре СССРда милли-дәүләт төзелеше, Татарстанда сәяси репрессияләр тарихына, Татарстан һәм Россиянең күренекле дәүләт, фән һәм мәдәният эшлеклеләре тормышына карый.

«Политические репрессии 30-х годов: законы, исполнители, реабилитация» (1999) документлар җыентыгын төзүчеләрнең берсе. Татарстан һәм Казан тарихыннан уку ярдәмлекләре авторы.

Тарихчы-архивистлар җәмгыяте идарәсе рәисе (1993–2003), Россия тарихчы-архивистлар җәмгыятенең Үзәк советы әгъзасы.

Сәяси репрессияләр чоры корбаннарын аклауга зур өлеш кертә.

Первая жертва генсека: Мирсаид Султан-Галиев: Судьба. Люди. Время. Казань, 1991.

Драматические страницы истории Татарстана. Казань, 1993.

История Татарстана: Страницы секретных архивов. Казань, 1994.

Сталин и «татарский след». Казань, 1994.

Трагические судьбы. научно-популярные очерки. Казань, 1996 (соавтор С.Ю.Малышева).

Неизвестный Султан-Галиев: рассекреченные документы и материалы. Казань, 2002 (соавтор Д.Р.Шарафутдинов).

Татарстан XX век: личности, события, документы: в 2 кн. Казань, 2003.

Архивы и судьбы: статьи, очерки, рецензии. Казань, 2006.

Чернобаев А.А. Кто есть кто в изучении отечественной истории: Биобиблиографический словарь. М., 1998.