1931 елның 30 гыйнварында Түбән Новгород крае, Первомайский районы Пруды авылында туа.

Казан ветеринария институтын тәмамлаганнан соң (1953), шунда ук эшли: акушерлык, гинекология һәм терлекләрне ясалма орлыкландыру кафедрасында, үрчү патологиясе һәм физиологиясе лабораториясе мөдире (1962–1984), профессор (1992 елдан).

Фәнни эзләнүләренең төп юнәлешләре: көтүне интенсив яңарту, кысырлыкны кисәтү һәм дәвалау, терлекләрнең үрчү биотехникасы (яралгы эмбрионнары трансплантациясе, югары генетик потенциалга ия үрчем алу һ.б.); ясалма орлыкландыру ысулларын эшләү һәм камилләштерү.

СССР МС премиясе иясе (1981). «Почёт билгесе» ордены, медальләр белән бүләкләнә.

Хезмәтләре         

К вопросу профилактики бесплодия при искусственном осеменении крупного рогатого скота в колхозах и совхозах ТАССР // Уч. зап. Казан. вет. института. 1964. Т. 91;

Научные достижения в воспроизводстве и искусственном осеменении крупного рогатого скота // Тр. 1 съезда ветеринарных врачей Республики Татарстан. К., 1995.

Казанская государственная академия ветеринарной медицины (1873–2006 гг.). К., 2006.