Попель Андрей Алексеевич

1919 елның 25 октябре, РСФСРның Гомель губернасы, хәзер Белоруссия Республикасы Могилёв өлкәсенең Кричевск районы Сокольничи авылы —1977 елның 18 гыйнвары, Казан.

1941 елда Казан университетын тәмамлаганнан соң, Казан оптика-механика заводында эшли.

1945 елдан Казан университетында, нәорганик химия кафедрасы мөдире (1965 елдан).

Хезмәтләре аналитик һәм нәорганик химиядә төрле физик-химик алымнар куллануга карый.

Попель пара- һәм диамагнит ион эремәләрендә эреткеч (яки лиганд) атомы төшләренең магнит релаксациясе тизлеген үлчәүгә нигезләнеп нәорганик кушылмаларны магнитлы-релаксацион анализлау һәм тикшерү ысулын эшли. Бу ысулның төрле вариантларын, шул исәптән магнитлы-релаксацион титрлау юлын тәкъдим итә, соңгысын төрле лигандлы, гомо- һәм гетероүзәкле, протонланган координацион кушылмаларның составын, тотрыклылыгын һәм динамик тотышын өйрәнү, шулай ук электролитларда ионара тәэсир итешүләрне тикшерү өчен куллана.

Ускоренные методы анализа электролитов гальванических ванн. К., 1962;

Магнитно-релаксационный метод анализа неорганических соединений. М., 1978;

Практическое руководство по химии комплексных соединений. К., 1979 (автордаш).                               

Автор — А.В.Захаров