Пашкуров Алексей Николаевич

1972 елның 25 июнендә Казанда туган.

1994 елда Казан университетын тәмамлаганнан соң, шунда ук эшли. 1996–2002 елларда – рус һәм чит илләр әдәбияты кафедрасы ассистенты; 2002–2012 елларда – рус әдәбияты, рус әдәбияты тарихы кафедралары доценты; 2012 елдан хәзерге вакытка кадәр – рус әдәбияты тарихы, рус һәм чит илләр әдәбияты, рус әдәбияты һәм аны укыту методикасы кафедралары профессоры. 1998 елдан хәзерге вакытка кадәр – НИРС буенча кафедра мөдире урынбасары.

2002 елдан Идел буе әдәбиятчыларының зональ берләшмәсенә керә (2014 елдан рәис урынбасары).

2008 елдан хәзерге вакытка кадәр – Казан университеты каршында әдәбият белеме буенча Д.212.081.14 диссертация советы әгъзасы, 10.01 диссертация советы әгъзасы (2010 елдан Диссертация советы рәисе урынбасары).

Татарстан Республикасы Рәисе каршында Рус теле комиссиясе әгъзасы.

XVIII йөз – XIX йөзнең беренче яртысы рус әдәбияты тарихы өлкәсендә белгеч. Фәнни эшләр өлкәсе – бөтендөнья әдәбият мәдәнияте контекстында 1700–1850 еллар рус поэзиясенең жанр-тематик модификацияләре һәм фәлсәфи-эстетик нигезләре; Казан академик әдәбият белеме тарихы.

240 тан артык фәнни хезмәтләре, шул исәптән 5 автор һәм 7 коллектив монографияләре, югары мәктәп өчен "XVIII йөз рус әдәбияты тарихы" дәреслеге бар.

Категория Возвышенного в поэзии русского сентиментализма и предромантизма: эволюция и типология. Казан, 2004.

Поздний русский сентиментализм: диалог идиллического и элегического. Казан, 2010.

Николай Карамзин в диалоге эпох и культур / Под ред. проф.Т.Автухович. Siedlce: WydawnictwoIKR(i)BL. 2017 (бүлекләр авторы).

М.Н. Муравьев и литературная культура: диалог восприятий. Казан, 2019.

История русской литературы XVIII века: учебник: в 2 ч. М.: ФЛИНТА: Наука, 2022. 4-е изд. (А.И.Разживин белән автордаш).