Нигъмәтуллин Булат Искәндәр улы

1944 елның 16 маенда Мәскәүдә туа.

1967 елда Н.Э.Бауман исемендәге Мәскәү югары техник училищесен (МВТУ) һәм 1969 елда Мәскәү университетын тәмамлый.

1967–1971 елларда — МВТУда, 1971–1975 елларда — Бөтенсоюз җылылык техникасы институтында, 1975–1989 елларда Бөтенсоюз «Энергия» ФҖБ АЭС фәнни-тикшеренү институтында эшли.

1989–1998 елларда АЭС куркынычсызлыгы буенча Электрогорск фәнни-тикшеренү үзәге директоры (Мәскәү өлкәсе).

1998–2002 елларда РФнең атом энергетикасы буенча министры урынбасары.

2002–2004 елларда «Группа МДМ» АҖ финанс-сәнәгать корпорациясенең вице-президенты.

2005 елдан «Энергомаш-Альянс» АҖнең ген. директор урынбасары, бер үк вакытта, 2006 елдан, Табигый монополияләр проблемалары институтының директор урынбасары (Мәскәү).

Хезмәтләре АЭСларда җылылык-масса алмашуга, атом-төш энергетикасы җайланмаларына һәм аларның куркынычсызлыгы мәсьәләләренә карый.

Уйлап табуга авторлык таныклыгы бар.

Динамики многофазных сред. М., 1982 (автордаш).

Кто есть кто в татарской общине Москвы. М., 2001.