Левитский Пётр Иванович

1838 елның 1 октябре, Пенза губернасы Краснослободск шәһәре — 1880 елның 11 апреле, Варшава.

1862 елда Казан университетын тәмамлагач, шунда ук терапия клиникасында эшли, 1867 елдан хосусый патология һәм терапия кафедрасы профессоры. 1871 елда «Лесгафт эше»нә каршы чыккан һәм эшеннән җибәрелгән 7 профессорның берсе.

1873 елдан Варшава университетының махсус патология һәм терапия кафедрасы профессоры. 1875 елда Варшава клиникасы җитәкчесе һәм Александра-Мария исемендәге кызлар институтында киңәшче.

Хезмәтләре кеше организмына химик матдәләр (бромлы патассий, хинин һ.б.) тәэсирен өйрәнүгә карый.

О влиянии сернокислого хинина на температуру и кровообращение // Мед. вестн. 1869. № 19; 24–26;

О некоторых способах изучения действия ядов на сосуды // Мед. вестн. 1870. № 6.

Биографический словарь профессоров и преподавателей Императорского Казанского университета (1804–1904). К., 1904. Ч. 2.