Исмәгыйлев Муса Иса улы

1911 елның 15 сентябре, хәзерге Курган өлкәсенең Усть-Уйск районы Дубровная авылы – 1993 елның 4 марты, Алма-Ата.

Казакъстан университетын тәмамлаганнан соң (1941), «Барса-Килмәс» саклаулыгында (Кызыл Урда өлкәсе, Казакъстан ССР) эшли.

1946–1970 елларда Казакъстан ССР ФАнең Зоология институтында, 1970–1980 елларда Казакъстан педагогика институтының зоология кафедрасы мөдире.

Хезмәтләре авыл хуҗалыгы терлекләренең авырулары эпизоотологиясенә, патогенезына, патоморфологиясенә һәм диагностикасына карый. Гельминтозларны дәвалау һәм химик профилактика үткәрү алымнарын тәкъдим итә. Кимерүчеләрнең, акчарлакларның яшәеш циклын һәм таралу шартларын тикшерә. Казакъстанда саклау чараларына аеруча мохтаҗ ау хайваннары төрләренең запасын ачыклый.

Экология ландшафтных грызунов Бетпак-Далы и Южного Прибалхашья. А.-А., 1961;

Остров куланов. Заповедник «Барса-Кельмес». А.-А., 1973;

Млекопитающие Казахстана: В 2 т. А.-А., 1967-77 (автордаш).