Хәбибуллина Алсу Зариф кызы

1972 елның 13 сентябрендә Казанда туган.

1994 елда Казан университетын тәмамлаганнан соң, аспирантурага укырга керә һәм "Русская литература в восприятии татарских читателей: эстетическая интерференция" (1998) темасы буенча диссертация яклый.

Хәзерге вакытта Казан университеты Филология һәм мәдәниятара багланышлар институтының рус әдәбияты һәм аны укыту методикасы кафедрасы доценты.

Фәнни эшләр өлкәсе – компаративистика һәм чагыштырма әдәбият белеме, аның башлангычы университетта 1990 елларда барлыкка килгән Казанның Әдәбиятларны чагыштырып өйрәнү мәктәбе традицияләре белән бәйле (җитәкчесе Җ.Г.Сафиуллин).

40 тан артык фәнни публикация, шул исәптән 4 уку-укыту ярдәмлеге һәм 2 фәнни монография авторы, аларның берсе А.З.Хәбибуллина белән автордаш, шулай ук рус һәм татар әдәбиятларының үзара бәйләнеш проблемаларына багышланган библиографик күрсәткеч авторларының берсе.

Русско-татарские литературные взаимосвязи: библиографический указатель. Казан, 1999 (автордаш).

Теория литературы: словарь для студентов, специализирующихся по сравнительной и сопоставительной филологии. Казан, 2010 (автордаш).

Эстетическая интерференция и проблемы сопоставительного литературоведения: учебно-методическое пособие. Казан, 2015.

Литература народов России: учебное пособие. Мәскәү, 2016 (автордаш).

Сопоставительная поэтика национальных литератур Казан, 2018 (автордаш).

Сопоставительная поэтика русской и татарской литератур: коллективная монография. Казан, 2019 (автордаш).

Элегия, элегическое, элегизм в русской и татарской поэзии: критерии сопоставительного исследования. Казан, 2021.