Фәтхуллин Вәгыйзь Шәйхулла улы

1937 елның 24 марты, Азнакай районы Мәсгут авылы — 2005 елның 21 сентябре, Казан.

1964 елда Казан төзүче инженерлар институтын (хәзер Казан архитектура-төзелеш университеты) тәмамлаганнан соң, шунда ук эшли, төзелеш факультеты деканы (1984–2005), тимер-бетон конструкцияләр кафедрасы профессоры (1994–2005), бүленеп, 1980–1983 елларда Аннаба шәһәрендә (Алжир) укыта.

Хезмәтләре җыелма монолит тимер-бетон конструкцияләрнең ныклыгын тикшерүгә карый. Югары уку йортларында техник фәннәрне татар телендә укытуның инициаторы һәм оештыручысы. «Татарстан Республикасы халыклары телләре турында» Татарстан Республикасы Законын гамәлгә ашыру буенча ТР ФАнең Фәнни-методик советы рәисе.

Бөтендөнья татар конгрессы Башкарма комитеты әгъзасы (1999–2005).

Медальләр белән бүләкләнә.

РФнең Югары һөнәри белем бирү мактаулы хезмәткәре (2001).

Железобетонные конструкции. К.,1993; 

Концепция организации высшего образования на татарском языке. К.,1999 (автордаш).

Зыятдинова Г. Техник белем — татарча! // Шәһри Казан. 2006. 26 апр.; 

Мәшһүр татар галимнәре. К., 2011.