Демидович Александр Филиппович

1897 елның 23 апреле, Минск губернасы Копыль авылы – 1965 елның 5 ноябре, Казан.

Горецк авыл хуҗалыгы институтын тәмамлаганнан соң (1925 ел), шунда ук ярдәмче хуҗалыкта эшли.

1931 елдан Казан авыл хуҗалыгы институтында, җиләк-җимеш – яшелчәчелек факультеты деканы (1943–1945 еллар), җиләк-җимеш – яшелчәчелек кафедрасы мөдире (1945–1954 еллар).

1954–1965 елларда Казан ветеринария институтында терлек азыгы җитештерү кафедрасы мөдире.

Хезмәтләре яшелчә культуралары һәм бәрәңге селекциясе, орлыкчылыгы һәм агротехникасы мәсьәләләренә карый.

Бәрәңгенең – «Казанский 520», «Вегетативный гибрид 1», «Сеянец 7035/566»; кәбестәнең – «Клыковская 19/23», аш чөгендеренең «Казанская 58» сортлары авторы.

Медальләр, шул исәптән СССР ВДНХсының көмеш медале, ТАССР Югары Советы Президиумының Мактау грамотасы белән бүләкләнә.

Селекция картофеля на устойчивость к засухе. Казань, 1938;

Семеноводство картофеля в ТАССР. Казань, 1952;

О методах селекции и семеноводства картофеля. Казань, 1960.