Бахрушин Сергей Владимирович

1882 елның 26 сентябре, Мәскәү – 1950 елның 8 марты, шунда ук.

Мәскәү университетын тәмамлый (1904). В.О.Ключевский шәкерте. 1909 елдан Мәскәү университеты приват-доценты, профессор (1927). Бер үк вакытта 1937 елдан СССР Фәннәр академиясенең Тарих институтында, СССРның XIX йөзгә кадәрге тарихы секторы мөдире (1940 елдан).

Төп хезмәтләре Россиянең феодализм дәверендәге социаль-икътисади үсеше мәсьәләләренә һәм эчке сәясәтенә, Себернең руслар тарафыннан колонизацияләнүенә, тарихи чыганакларны өйрәнүгә, фән тарихына, тарихи географиягә карый.

Татарстан тарихын фән буларак формалаштыруга өлеш кертә: татар җәмгыятендә феодаль мөнәсәбәтләр үсешен өйрәнә, Рус дәүләтенең Алтын Урда һәм Казан ханлыгы белән үзара багланышларына кагылышлы мәсьәләләрне тикшерә.

СССР Дәүләт бүләге лауреаты (1942).

Очерки по истории колонизации Сибири в XVI–XVII веках. М., 1927.

Ясак в Сибири в XVII в. М., 1927.

Сибирские служилые татары. М., 1937.

Иван Грозный. М., 1942.

Научные труды: В 4т. М., 1952–1959.

Проблемы социально-экономической истории феодальной России. М., 1984.

Дубровский А.М. С.В.Бахрушин и его время. М., 1992.

Автор – Е.Б.Долгов