Александрович Якуб Мостафа улы

1934 елның 15 гыйнварында Белоруссия ССРның Минск өлкәсе Клецк шәһәрендә туган.

Польша-Литва татары. 1957 елда Халык хуҗалыгы институтын (Минск шәһәре) тәмамлый.

1961–1967 елларда БССР Фәннәр академиясенең Икътисад институтында эшли. 1968 елдан Белоруссия ССР План дәүләт комитеты каршындагы Икътисад һәм планлаштыруның икътисади-математик ысуллары фәнни-тикшеренү институтында сектор, бүлек мөдире.

Хезмәтләре Белоруссиянең җитештерү көчләрен урнаштыруга һәм социаль-икътисади үсешен фаразлауга карый.

Региональное планирование: вопросы развития и размещения производительных сил БССР. Минск, 1982.