Агишев Равил Рөстәм улы

1954 елның 14 июлендә Казанда туган.

Танылган татар әдәбияты белгече һәм текстолог Я.Х.Агишевның оныгы.

Казан авиация институтын (1977) тәмамлаганнан соң, шунда ук эшли: 1996 елдан радиоэлектроник һәм квант җайланмалар кафедрасы профессоры, 1995-2012 елларда Халыкара элемтәләр идарәсе җитәкчесе, бер үк вакытта, 2001-2006 елларда, «Гадәттән тыш хәлләрдә саклану» кафедрасы мөдире, 2012 елдан халыкара эшчәнлек буенча проректор.

2015 елдан Казан дәүләт энергетика университеты профессоры.

200 гә якын фәнни хезмәт, шул исәптән 5 монография авторы. 14 патенты бар.

Хезмәтләре ерактан торып экологик мониторинг үткәрүнең оптик-электрон системаларына, лазер белән ерактан зондлау системасының комачаулау тотрыклылыгы теориясен үстерүгә һәм методологиясен эшләүгә; объектларны һәм тирәлекләрне контактсыз лазерлы идентификацияләү һәм дистанцион диагностикалау; лазерлы спектроскопия; атмосфераны лидар мониторинглау; объектларны һәм системаларны модельләштерүгә  карый.

Зондлау системаларының фәзада тотрыклылыгын сайлап алуын яхшыртуга һәм фонга тотрыклылыгын күтәрүгә нигезләнгән комачаулыклардан саклауның нәтиҗәле ысулларын эшли.

Бадминтон буенча Бөтенсоюз турнирларында призлар ала, 10 мәртәбә Татарстан чемпионы (1973–1983).

СССР ВДНХсының ике көмеш медале белән бүләкләнә.

Защита от фоновой помехи в оптико-электронных системах контроля состояния атмосферы. М., 1994.

Системы оптической локации и дистанционного зондирования: особенности защиты от внешних помех. Казань, 1996.

Лидарный мониторинг атмосферы. М., 2009.

Development of Qualifications Framework for Cycles of Higher Education in Aerospace Engineering. Torino, Italy, 2011 (соавтор).

Лазерное зондирование окружающей среды: Методы и средства. М., 2019.