Пустынка

Авылга XIX йөзнең беренче яртысында нигез салына, 1917 елга кадәр Поручик авыл җәмәгатчелегенең бер өлеше була.

1861 елгы реформага кадәр халкы крепостной крәстияннәр катлавына керә (апалы-сеңелле алпавыт Буткевичлар карамагында). Бу чорда аларның төп шөгыле – игенчелек һәм терлекчелек.

Авыл Александр Бистәсе авылының Рождество чиркәве приходына карый.

1870 ел мәгълүматларына караганда, XX йөз башында авылда су тегермәне була; бу чорда авыл җәмәгатенең имана җире 27,67 дисәтинә тәшкил итә. Халыкта 17 ат, 151 баш мөгезле эре һәм башка терлек исәпләнә.

1920 елга кадәр авыл Уфа губернасының Минзәлә өязе Зәй волостена керә. 1920 елдан ТАССРның – Минзәлә, 1922 елдан Чаллы кантонында. 1930 елның 10 августыннан − Акташ, 1935 елның 10 февраленнән − Зәй, 1963 елның 1 февраленнән − Әлмәт, 1972 елның 1 ноябреннән Зәй районында.

Хәзер Яктыкүл авыл җирлеге составына керә.

Күмәкләштерү елларында авылда “Родина” колхозы оештырыла, 1950 елдан – зурайтылган “Кызыл күл”, 1959 елдан “Кызыл Маяк” колхозлары составында (икесенең дә үзәк утары – Яктыкүл авылында).

1975 һәм 2018 елларда күперләр төзелә.

1858 елда – 40,
1870 елда – 32,
1896 елда – 42,
1913 елда – 56,
1920 елда – 62,
1926 елда – 87,
1989 елда – 10,
2002 елда һәм 2010 елларда – торак пунктлар исемлегеннән чыгарыла,
2017 елда – 14 кеше (руслар – 57%, керәшен татарлар – 43%).