Алга

1930 елда нигезләнә. Нигезләнгән вакытыннан Саба районында. 1935 елның 10 февраленнән – Теләче, 1959 елның 12 октябреннән – Саба, 1991 елның 4 октябреннән Теләче районында.

Хәзер – Үзәк авыл җирлегендә.

1929 елда авылда «Алга» колхозы (беренче рәисе – Д.Йосыпов) оештырыла, 1937 елдан Сталин исемендәге совхозда (үзәк утары – Сталин исемендәге совхоз поселогы), 1962 елда Ленин исемендәге совхозга (үзәк утары – Үзәк поселогы) үзгәртелә, 1968 елдан Ленин исемендәге тәҗрибә-җитештерү хуҗалыгы эшли.

Халкы башлыча үсемлекчелек һәм терлекчелек белән шөгыльләнә.

Фельдшер-акушерлык пункты бар.

2016 елга кадәр башлангыч мәктәп эшли (2013–2016 елларда – Үзәк урта мәктәбе филиалы).

1938 елда – 254,
1949 елда – 258,
1958 елда – 344,
1970 елда – 213,
1979 елда – 155,
1989 елда – 72,
2002 елда – 62,
2010 елда – 59,
2020 елда – 46 кеше (татарлар, руслар).