Яңа Байлар

XVIII йөз ахырында – XIX йөз башында Иске Байлар авылыннан чыгучылар тарафыннан нигезләнә. XVIII–XIX йөзләрдә халкы асабалар катлавына керә. Бу чорда халкының төп шөгыльләре – игенчелек һәм терлекчелек.

XX йөз башында авылда мәчет (1846 елдан мәгълүм), мәктәп эшли. Авыл җәмәгатенең имана җире 1616 дисәтинә тәшкил итә.

1920 елга кадәр авыл Уфа губернасының Минзәлә өязе Күзкәй волостена керә. 1920 елдан – ТАССРның Минзәлә кантонында. 1930 елның 10 августыннан – Минзәлә районында, 1976 елның 6 июненнән – Күзкәй авылы составында, 1984 елның 4 июненнән – Тукай районында, 1991 елның 14 мартында аерым торак пункт буларак теркәлә.

Хәзер – Күзкәй авыл җирлегендә.

1929 елда «Алмалы» колхозы оештырыла. 1952 елдан хуҗалык – «Ярыш» (үзәк утары – Күзкәй авылы), 1955 елдан – Маленков исемендәге колхоз, 1958 елдан кабат «Ярыш» колхозы дип атала. 1997 елдан авылда – «Ярыш» авыл хуҗалыгы җитештерү кооперативы, 2006 елдан «Ярыш» авыл хуҗалыгы предприятиесе» җаваплылыгы чикләнгән җәмгыяте эшли.

Халкы башлыча үсемлекчелек һәм сөт терлекчелеге белән шөгыльләнә.

Авылда фельдшер-акушерлык пункты, мәчет (1990 елдан) бар.

1858 елда – 296,
1870 елда – 463,
1884 елда – 492,
1897 елда – 725,
1906 елда – 842,
1913 елда – 854,
1920 елда – 833,
1926 елда – 508,
1938 елда – 479,
1949 елда – 369,
1970 елда – 340,
1989 елда – 836,
2002 елда – 166,
2010 елда – 171,
2020 елда – 148 кеше (татарлар).