Яңа Сумароково

XVIII йөздә нигезләнә. Революциягә кадәрге чыганакларда шулай ук Новосёлки, Выселки Сумарокова буларак та искә алына.

1861 елга кадәр халкы алпавыт крестьяннары катлавына керә. Бу чорда халкының төп шөгыльләре – игенчелек һәм терлекчелек. Иске Сумароково авылының (хәзер сакланмаган) Рождество Христова чиркәвенә карый.

XX йөз башында җил тегермәне эшли. Авыл җәмәгатенең имана җире 316,5 дисәтинә тәшкил итә.

1920 елга кадәр авыл Казан губернасының Тәтеш өязе Колунец волостена керә. 1920 елдан – ТАССРның Тәтеш кантонында. 1930 елның 10 августыннан – Тәтеш, 1938 елның 4 августыннан – Олы Тархан, 1959 елның 12 октябреннән – Тәтеш районында.

Хәзер – Жуково авыл җирлегендә.

1931 елда КИМ колхозы оештырыла. 1950 елдан авылда – «Красный борец» (үзәк утары – Иске Сумароково авылы, хәзер сакланмаган), 1958 елдан – «Рассвет» (үзәк утары – Жуково авылы) колхозлары, 1963 елдан К.Маркс исемендәге колхоз эшли.

1859 елда – 111,
1897 елда – 153,
1908 елда – 181,
1920 елда – 176,
1926 елда – 233,
1938 елда – 234,
1949 елда – 119,
1958 елда – 105,
1970 елда – 59,
1979 елда – 23,
1989 елда – 3,
2002 елда – 1 кеше (рус),
2010 елдан даими яшәүче юк.