Олы Бисәр

XVII йөздә нигезләнә. XVIII йөздә – XIX йөзнең беренче яртысында халкы дәүләт крестьяннары катлавына керә. Бу чорда халкының төп шөгыльләре – игенчелек һәм терлекчелек.

Чинчурино авылындагы Дмитрий Солунский чиркәве приходына карый.

1885 елда катнаш бер сыйныфлы чиркәү-приход мәктәбе ачыла (1907 елда – 49 ир бала һәм 147 кыз бала, 1915 елда 36 ир бала һәм 14 кыз бала укый).

XX йөз башында 3 җил тегермәне, 4 вак-төякләр кибете эшли. Авыл җәмәгатенең имана җире 1969,4 дисәтинә тәшкил итә.

1920 елга кадәр авыл Казан губернасының Тәтеш өязе Олы Шәмәк волостена керә. 1920 елдан – ТАССРның Тәтеш, 1927 елдан – Буа кантонында. 1930 елның 10 августыннан – Тәтеш районында.

Хәзер – Льяшево авыл җирлегендә.

1929 елда «Вперёд» колхозы оештырыла. 1959 елдан авылда – «Октябрьнең 13 еллыгы» (үзәк утары – Льяшево авылы), 1968 елдан – «Октябрьнең 50 еллыгы» колхозлары, 1995 елдан – «Җиңүнең 50 еллыгы» авыл хуҗалыгы кооперативлары берләшмәсе, 2001 елдан – В.В.Тихонов исемендәге авыл хуҗалыгы кооперативлары берләшмәсе, 2002 елдан – шул ук исемендәге авыл хуҗалыгы җитештерү кооперативы, 2003–2006 елларда «Восход» агрофирмасы» җаваплылыгы чикләнгән җәмгыяте эшли.

Халкы башлыча үсемлекчелек, терлекчелек белән шөгыльләнә, «Маяк» җаваплылыгы чикләнгән җәмгыятендә эшли.

Авылда башлангыч мәктәп-балалар бакчасы (2007 елдан), мәдәният йорты (2009 елдан – мәктәп бинасында), китапханә (1936 елда уку өе буларак ачыла, 1945 елдан – клуб бинасында, 1969 елда аерым бина төзелә, 1995 елдан – клуб бинасында, 2009 елдан – мәктәп бинасында), фельдшер-акушерлык пункты бар.

Мәдәният йорты каршында «Чәчәк» вокаль ансамбле эшли (2016 елдан).

О.В.Миловидова (1890–1975) – педагог, РСФСРның атказанган мәктәп укытучысы, Ленин, «Почет билгесе» орденнары кавалеры;

А.В.Чубуков (1888–1964) – табиб, дәүләт эшлеклесе, медицина фәннәре кандидаты, РСФСРның атказанган табибы, Беренче бөтендөнья һәм Гражданнар сугышларында катнашучы, Ленин ордены кавалеры;

В.Н.Юдин (1911–1995) – прозаик, тәрҗемәче, СССР Язучылар берлеге әгъзасы.

1782 елда – 170 ир-ат;
1859 елда – 470,
1897 елда – 894,
1908 елда – 1006,
1920 елда – 915,
1926 елда – 930,
1938 елда – 567,
1949 елда – 545,
1958 елда – 589,
1970 елда – 545,
1979 елда – 445,
1989 елда – 333,
2002 елда – 285,
2010 елда – 257,
2021 елда – 196 кеше (чувашлар).