Баймәт

1928 елда Зур Әтрәч авылыннан чыгучылар тарафыннан нигезләнә. ТАССРның Буа кантоны Тәтеш волостена керә. 1930 елның 10 августыннан – Тәтеш районында.

Хәзер – Монастырский авыл җирлегендә.

1931 елда «Труд» колхозы оештырыла (беренче рәисе – С.Ш.Шакиров). 1949 елда хуҗалыкның исеме Жданов исемендәге колхоз дип үзгәртелә. 1951 елдан авылда – Жданов исемендәге (үзәк утары – Лаптевка авылы), 1959 елдан – Калинин исемендәге (үзәк утары – Монастырский авылы) колхозлар, 1971 елдан – «Рассвет» колхозы (үзәк утары – Лаптевка авылы), 1995–2006 елларда шул ук исемендәге авыл хуҗалыгы җитештерү кооперативы эшли.

Халкы башлыча үсемлекчелек белән шөгыльләнә, крестьян-фермер хуҗалыгында эшли.

Элек авылда клуб була.

1938 елда – 161,
1949 елда – 193,
1958 елда – 167,
1970 елда – 187,
1979 елда – 112,
2002 елда – 66,
2010 елда – 36,
2021 елда – 29 кеше (татарлар).