Мостафин

XX йөз башында Яңа Әхмәт авылыннан чыгучылар тарафыннан нигезләнә. Җирле халык баштарак Кыек Урман атамасын куллана.

Нигезләнгән вакыттан авыл Уфа губернасының Минзәлә өязе Язикәү волостена керә. 1920 елдан – ТАССРның Минзәлә, 1922 елдан – Чаллы кантонында. 1930 елның 10 августыннан – Сарман районында.

Хәзер – Петровский Завод авыл җирлегендә.

1930 елда «Алан су» колхозы оештырыла. 1950 елда «Красное Пробуждение» колхозына (үзәк утары – Алан (Пробуждение) авылы) кушыла. 1957 елдан авылда – М.Горький исем. (үзәк утары – Ләке авылы), 1964 елдан – «Мир» (үзәк утары – Ләке авылы) берләштерелгән колхозлары, 1966 елдан – «Петровский» совхозы (үзәк утары – Петровский Завод авылы), 1989 елдн – шул ук исемдәге агрофирма, 1993 елдан елдан агрокомплекс эшли. 2 гаилә фермасы бар.

Халкы башлыча кырчылык һәм терлекчелек белән шөгыльләнә.

1998–2005 елларда башлангыч мәктәп эшләп килә. 2006 елгы янгыннан соң авыл мәдәният йорты Алан (Пробуждение) авылына күчерелә.

Авылда фельдшер-акушерлык пункты бар.

1920 елда – 175,
1926 елда – 204,
1938 елда – 234,
1949 елда – 200,
1958 елда – 191,
1970 елда – 197,
1979 елда – 92,
1989 елда – 93,
2002 елда – 126,
2010 елда – 90,
2021 елда – 81 кеше (татарлар – 90,5%, руслар – 9,5%).