Балтамак

1883 елда нигезләнә. Революциягә кадәрге чыганакларда шулай ук Баллы Тамак исеме белән дә искә алына.

XIX йөз ахырында авыл җәмәгатенең имана җире 531,5 дисәтинә тәшкил итә.

1920 елга кадәр авыл Уфа губернасының Минзәлә өязе Әлмәт-Муллино волостена керә.

1920 елдан – ТАССРның Минзәлә, 1922 елдан – Чаллы кантонында. 1930 елның 10 августыннан – Сарман районында.

Хәзер – Рангазар авыл җирлегендә.

1930 елда «Урнәк яшьләр» колхозы оештырыла. 1958 елда ул Рантамак авылы колхозы белән бергә «За мир» хуҗалыгына берләштерелә. 1960 елдан авылда – «Җиңүче» колхозы (үзәк утары – Рангазар авылы), 1994–2002 елларда – шул ук исемдәге күмәк предприятие, 2003–2005 елларда авыл хуҗалыгы җитештерү кооперативы эшли.

Халкы башлыча кырчылык һәм терлекчелек белән шөгыльләнә.

М.Ш.Хөсәенов (1911–1986) – Социалистик Хезмәт Герое, Минзәлә шәһәрендәге Геройлар аллеясында бюсты урнаштырылган, исеме белән урам атала, төбәкне өйрәнү музеенда аңа экспозиция багышланган.

1859 елда – 180 кеше,
1884 елда – 259,
1926 елда – 237,
1938 елда – 299,
1949 елда – 206,
1958 елда – 180,
1970 елда – 167,
1979 елда – 113,
1989 елда – 54,
2002 елда – 32,
2010 елда – 32,
2021 елда – 22 кеше (татарлар).