Урта Нырты

1680 елдан мәгълүм. Революциягә кадәрге чыганакларда шулай ук Каменный Ключ, Вершина Речки Нырты исемнәре белән дә искә алына.

XVIII йөздә – XIX йөзнең беренче яртысында халкы дәүләт крестьяннары катлавына керә. Бу чорда халкының төп шөгыльләре – игенчелек һәм терлекчелек.

XX йөз башында авылда мәчет, мәктәп, вак-төякләр кибете эшли. Авыл җәмәгатенең имана җире 725,1 дисәтинә тәшкил итә.

1920 елга кадәр авыл Казан губернасының Мамадыш өязе Әбде волостена керә.

1920 елдан – ТАССРның Мамадыш кантонында. 1930 елның 10 августыннан – Саба районында.

Хәзер – Олы Нырты авыл җирлегендә.

1948 елдан авылда – «Чулпан» колхозы (үзәк утары – Олы Нырты авылы), 1967 елдан – «Сабинский» умартачылык совхозы (үзәк утары – Олы Нырты авылы), 2011 елдан «Нырты» авыл хуҗалыгы предприятиесе» җаваплылыгы чикләнгән җәмгыяте эшли. 2011 елдан Р.Р.Шакирова крестьян-фермер хуҗалыгы бар (умартачылык).

Халкы башлыча кырчылык һәм терлекчелек белән шөгыльләнә.

Авылда клуб (1988 елда яңа бина төзелә), китапханә (1954 елдан), шулай ук төзекләндередгән чишмә бар.

1782 елда – 36 ир-ат;
1859 елда – 388,
1897 елда – 372,
1908 елда – 436,
1920 елда – 482,
1926 елда – 520,
1938 елда – 432,
1949 елда – 316,
1970 елда – 289,
1979 елда – 254,
1989 елда – 199,
2002 елда – 183,
2010 елда – 175,
2020 елда – 156 кеше (татарлар).