Мишәбаш

1619 елдан мәгълүм. Революциягә кадәрге чыганакларда шулай ук Югары Мишәбаш буларак та искә алына.

XVIII йөздә – XIX йөзнең беренче яртысында халкы дәүләт крестьяннары катлавына керә. Бу чорда халкының төп шөгыльләре – игенчелек һәм терлекчелек.

XX йөз башында авылда мәчет һәм мәдрәсә эшли. Авыл җәмәгатенең имана җире 939,8 дисәтинә тәшкил итә.

1920 елга кадәр авыл Казан губернасының Мамадыш өязе Бөкмеш волостена керә.

1920 елдан – ТАССРның Мамадыш кантонында. 1930 елның 10 августыннан – Саба районында.

Хәзер – Яулаштау авыл җирлегендә.

«Кызыл яшьләр» колхозы оештырыла (беренче рәисе – Гайнетдинов). 1951 елдан авылда – Калинин исем. колхоз (үзәк утары – Яулаштау авылы), 2014 елдан – «ТАТМИТ Агро» җаваплылыгы чикләнгән җәмгыяте (дуңгыз асрау), 2021 елдан – «Восточный» җаваплылыгы чикләнгән җәмгыяте, 2007 елдан Ф.Ф. Әхәтов крестьян-фермер хуҗалыгы (сөтчелек фермасы) эшли.

Халкы башлыча кырчылык һәм терлекчелек белән шөгыльләнә.

1932–2016 елларда башлангыч мәктәп эшли.

Авылда мәдәният йорты, «Тюльпан» балалар бакчасы (1990 елдан), фельдшер-акушерлык пункты, мәчет (1997 елдан) бар.

1782 елда – 92 ир-ат;
1859 елда – 262,
1897 елда – 363,
1908 елда – 416,
1920 елда – 412,
1926 елда – 370,
1938 елда – 376,
1949 елда – 363,
1970 елда – 292,
1979 елда – 254,
1989 елда – 236,
2002 елда – 281,
2010 елда – 301,
2020 елда – 313 кеше (татарлар).