Кече Кадрәк

1840 елларда нигезләнә. 1917 елга кадәр статистика чыганакларында авылдагы халык, җир, сәүдә-сәнәгать оешмалары һ.б. Кадрәк авылы мәгълүматлар белән бергә исәпкә алына.

Авылда поташ заводы эшли.

1920 елга кадәр авыл Казан губернасының Лаеш өязе Шомбыт волостена керә. 1920 елдан – ТАССРның Лаеш кантонында. 1927 елның 14 февраленнән – Балык Бистәсе, 1935 елның 10 февраленнән – Кызыл Йолдыз, 1959 елның 26 мартыннан – Балык Бистәсе, 1963 елның 1 февраленнән – Мамадыш, 1965 елның 12 гыйнварыннан – Балык Бистәсе районында.

Хәзер – Казак Чаллысы авыл җирлегендә.

1956, 1960 елгы мәгълүматлар буенча, авылда «Победа» колхозы (үзәк утары Зур Кадрәк, 1960 елгы мәгълүматлар буенча, Казак Чаллысы авылларында урнаша) эшли.

И.Н.Юдин (1922 елда туган) – тарихчы, тарих фәннәре докторы, профессор.

1920 елда – 339,
1926 елда – 405,
1938 елда – 320,
1949 елда – 70,
1958 елда – 68,
1970 елда – 23,
1979 елда – 88,
1989 елда – 25,
2002 елда – 13,
2010 елда – 6,
2020 елда – 5 кеше (руслар).