Шакшино

1710 елдан Каенлы Төбәк исеме белән мәгълүм. 1860 елларга кадәр халкы дәүләт крестьяннары катлавына керә. Бу чорда халкының төп шөгыльләре – игенчелек, терлекчелек, умартачылык.

XX йөз башында авылда Вознесение чиркәве (1910–1916 елларда төзелә; архитектура истәлеге, эшли), чиркәү-приход мәктәбе, 2 су тегермәне, ашлык саклау-сату һәм 2 вак-төякләр кибете эшли.

Авыл җәмәгатенең имана җире 1609,4 дисәтинә тәшкил итә.

1920 елга кадәр авыл Уфа губернасының Минзәлә өязе Тәкмәк волостена керә. 1920 елдан ТАССРның – Минзәлә, 1921 елдан − Чаллы кантонында.

1930 елның 10 августыннан – Ширәмәт, 1963 елның 1 февраленнән – Чаллы, 1965 елның 12 гыйнварыннан Түбән Кама районында.

Хәзер – Түбән Уратма авыл җирлегендә.

1930 елларда авылда «Борец революции» колхозы оештырыла. 1957 елдан − «Прикамский» (үзәк утары– Ширәмәт авылы), 1967 елдан –«Родина» (үзәк утары – Түбән Уратма авылы) совхозларында.

1996 елдан «Родина» авыл хуҗалыгы җитештерү кооперативы , 2006–2008 елларда «Уратма» авыл хуҗалыгы җитештерү кооперативы, хәзер «Союзагро»җаваплылыгы чикләнгән җәмгыятенең «Прикамский» төбәкара җитештерү комплексы эшли.

1897 елда – 920,
1906 елда – 996,
1920 елда – 1005,
1926 елда – 719,
1949 елда – 295,
1958 елда – 112,
1970 елда – 193,
1979 елда – 101,
1989 елда – 8,
2002 елда – 5,
2010 елда – 13 кеше (руслар),
2022 елда – даими яшәүчеләр юк.