Островка

1920 елларда Рус Шуганы авылыннан күченүчеләр тарафыннан нигез салына.

Оештырылган вакытыннан ТАССРның Минзәлә кантоны Ирәхтә (1924 елдан Мөслим) волостенда. 1930 елның 10 августыннан – Мөслим, 1963 елның 1 февраленнән – Сарман, 1965 елның 12 гыйнварыннан Мөслим районында.

Хәзер Шуган авыл җирлеге составында.

1931 елда авылда “Герольд” колхозы (беренче рәисе – И.И.Каржавкин) оештырыла, 1950 елда – берләштерелгән “Новая жизнь”, 1961 елда – берләштерелгән “Новый путь”, 1964 елда “Маяк” колхозлары составына керә. 1981 елда “Нектар” колхозына аерылып чыга.

Халкы кырчылык белән шөгыльләнә.

1990–1998 елларда авылда китапханә эшли (Татар Смыловкасы авылына күчерелә).

П.А.Днепров (1919–1974) – гвардия майоры, Советлар Союзы Герое, Мөслим районының мактаулы гражданы, Мөслим һәм Рус Шуганы авылларында берәр урам аның исеме белән атала.

1926 елда – 179,
1938 елда – 204,
1949 елда – 221,
1958 елда – 125,
1970 елда – 93,
1979 елда – 61,
1989 елда – 45,
2002 елда – 48,
2010 елда – 18,
2017 елда – 25 кеше (руслар, татарлар).