Кыравыл

1680 елдан Шарбашская Пустошь буларак мәгълүм. Революциягә кадәрге чыганакларда Коры Авыл исеме белән билгеле.

XVIII йөз – XIX йөзнең беренче яртысында халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

1829 елгы мәгълүматлар буенча, авылда җәмигъ мәчет була, ул өч авылны берләштергән (Югары Козгынчы һәм Түбән Козгынчы).

XX йөз башында авылда мәчет, 2 тимерче алачыгы, вак-төякләр кибете эшли. Авыл җәмәгатенең имана җире 271,6 дисәтинә тәшкил итә.

1920 елга кадәр Казан губернасының Мамадыш өязе Җөри волостена керә. 1920 елдан ТАССРның Мамадыш кантонында. 1930 елның 10 августыннан – Тәкәнеш. 1932 елның 1 гыйнварыннан – Мамадыш, 1935 елның 10 августыннан – Тәкәнеш, 1963 елның 1 февраленнән Мамадыш районында.

Хәзер Олыяз авыл җирлеге үзәге.

1930 елда авылда “Чулпан” колхозы оештырыла (беренче рәисе – М.Галиев). 1940 елларда “Якты таң” артеле булдырыла. 1952 елда – “Чулпан” колхозына “Кызыл яшьләр” колхозы (Олыяз авылы), 1959 елда Олыяз (колхоз идарәсе урнаша), Түбән Козгынчы, Тулбай, Югары Козгынчы, Дусай авыллары колхозлары берләштерелә. 1994 елда – “Чулпан” авыл хуҗалыгы кооперативлары ассоциациясе, 2001 елда – “Чулпан” авыл хуҗалыгы җитештерү кооперативы, 2002 елда “Чулпан” агрофирмасы” җаваплылыгы чикләнгән җәмгыяте итеп үзгәртелә.

Авыл территориясендә Түбән Козгынчы балалар бакчасы (1981 елдан), “Ак мәчет” эшли.

Ф.Г.Җиһаншин (1956 елда туган) – ТР ның атказанган табибы, В.М.Бехтерев исемендәге Республика клиник психиатрия хастаханәсе баш табибы (2010 елда).

1716 елда – 11 ир-ат,
1782 елда – 28;
1834 елда – 136,
1859 елда – 166 (башка мәгълүматлар буенча – 216),
1897 елда – 301,
1908 елда – 328 (башка мәгълүматлар буенча – 372),
1920 елда – 317,
1926 елда – 325 (башка мәгълүматлар буенча – 223),
1949 елда – 266 (башка мәгълүматлар буенча – 174),
1958 елда – 244 ( башка мәгълүматлар буенча – 184),
1970 елда – 283 ( башка мәгълүматлар буенча – 199),
1979 елда – 252 (башка мәгълүматлар буенча – 170),
1989 елда – 211 (башка мәгълүматлар буенча – 146),
2002 елда – 226,
2010 елда – 233,
2017 елда – 207 кеше (татарлар – 99,3%, руслар – 0,7%).