Борискино

Авылга 1924 елда Яңа Алан авылы кешеләре нигез сала. Беренче исеме – Борисовка.

Нигез салынган көннән авыл ТАССРның Чаллы кантонының Кузай волостена керә. 1930 елның 10 августыннан – Акташ, 1935 елның 10 февраленнән – Яңа Чишмә, 1944 елның 19 февраленнән – Ямаш, 1956 елның 7 декабреннән – Яңа Чишмә, 1963 елның 1 февраленнән Әлмәт районында.

Хәзер Борискино авыл җирлеге үзәге.

1930 елларда авылда “Победа” совхозы оештырыла, ул 2011 елга кадәр эшли.

Халкы күбесенчә кырчылык, ит-сөт терлекчелеге белән шөгыльләнә.

2012 елга кадәр башлангыч мәктәп була. Балалар бакчасы (1991 елдан), мәдәният йорты, китапханә бар.

1926 елда – 81,
1938 елда – 74,
1949 елда – 194,
1958 елда – 478,
1970 елда – 471,
1979 елда – 395,
1989 елда – 378,
2002 елда – 530,
2010 елда – 388,
2015 елда – 517 кеше (руслар – 61%, татарлар – 36%).