- РУС
- ТАТ
Татарстанның Әлки районындагы авыл, Базарлы Матак авылыннан 38 км көньяктарак, Шыя елгасы (кече Чирмешән бассейны) буенда урнашкан
Авылга XVIII йөз башында нигез салына.
1860 елларга кадәр халкы дәүләт крәстияннәре катлавына керә (элеккеге ясаклы чуашлар һәм казна хезмәтендәгеләр) Халкының төп шөгыле – кырчылык, мөгезле эре терлек асрау.
XX йөз башында авылда земство мәктәбе (1903 елда 30 ир бала, 5 кыз бала укый), 4 тегермән, 3 вак-төяк кибете эшли.
Авыл җәмәгатенең имана җире 1330 дисәтинә тәшкил итә.
Авыл Түбән Кәчи авылындагы Покров чиркәве приходына карый.
1920 елга кадәр Казан губернасының Спас өязе Успение-Юхмачы волостенда. 1920 елдан ТАССРның Спас кантонында. 1930 елның 10 августыннан – Әлки, 1935 елның 10 февраленнән – Кузнечиха, 1944 елның 19 февраленнән – Юхмачы, 1956 елның 7 декабреннән – Кузнечиха, 1960 елның 28 октябреннән – Куйбышев, 1965 елның 12 гыйнварыннан Әлки районында.
Хәзер Түбән Кәчи авыл җирлеге составына керә.
1930 елларда авылда “Малалла” колхозы оештырыла, 1958 елдан “Чирмешән” колхозы составында була. 2002 – 2004 елларда “Чирмешән” авыл хуҗалыгы кооперативы була.
Халкы күбесенчә “Кызыл Шәрекъ Агро” акционерлык җәмгыятендә эшли, кырчылык, сөт терлекчелеге белән шөгыльләнә.
1989 – 2017 елларда авылда балалар бакчасы эшли.
Башлангыч мәктәп (Түбән Кәчи төп мәктәбе филиалы), мәдәният йорты (1990 елдан), фельдшер- акушерлык пункты бар.
Мәдәният йорты каршында музей һәм “Шанграв” вокаль ансамбле эшли (1990 елдан җитәкчесе – А.М.Миндрюкова).
Ю.И.Петрова (1931 елда туган) – Чабаксар киҗе-мамык комбинатында тукучы, Социалистик Хезмәт Герое, Чуаш АССРның атказанган сәнәгать хезмәткәре, РСФСРның атказанган текстиль һәм җиңел сәнәгать эшлеклесе;
А.И.Родионов (1908 – 1980) – контр-адмирал, хәрби-диңгез фәннәре кандидаты, Бөек Ватан сугышында катнашучы, Тын океан флотындагы су асты көймә бригадасы командиры (1943 – 1945 еллар), Американың “Миссури” линкорында Япония тарафыннан каршылыксыз капитуляция ясау турындагы Актка кул кую вакыйгасында катнаша.
1859 елда – 391,
1897 елда – 654,
1908 елда – 661,
1926 елда – 436,
1938 елда – 390,
1949 елда – 379,
1958 елда – 345,
1970 елда – 447,
1979 елда – 367,
1989 елда – 247,
2002 елда – 200,
2010 елда – 169,
2015 елда – 178 кеше (чуашлар).
Вы используете устаревшую версию браузера.
Для корректного отображения сайта обновите браузер.