Беляково

Казан ханлыгы чорыннан Беляк исеме белән мәгълүм. XVII йөз башында авыл тирәсендәге җирләр Казанның Спас-Преображение монастырена бирелә һәм рус крәстияннәре урнаштырыла.

XX йөз башында авылда земство мәктәбе, 2 вак-төякләр кибете эшли. Бу чорда авыл җәмәгатенең имана җире 668 дисәтинә тәшкил итә.

1920 елга кадәр Казан губернасының Лаеш өязе Астраханка волостена керә. 1920 елдан ТАССРның Лаеш кантонында. 1927 елның 14 февраленнән – Лаеш, 1938 елның 4 августыннан – Столбище, 1959 елның 26 мартыннан – Лаеш, 1963 елның 1 февраленнән – Питрәч, 1965 елның 12 гыйнварыннан Лаеш районында.

Хәзер Никольский авыл җирлеге составында.

1646 елда – 81,
1782 елда – 59 ир-ат;
1859 елда – 245,
1897 елда – 334,
1908 елда – 384,
1920 елда – 390,
1926 елда – 405,
1949 елда – 270,
1958 елда – 240,
1970 елда – 131,
1979 елда – 68,
1989 елда – 20,
2002 елда – 6,
2010 елда – 1,
2017 елда – 2 кеше (руслар).