Беренче Май

1942 елда нигез салына.

Оештырылган вакытыннан – Тәкәнеш, 1963 елның 1 февраленнән – Саба, 1965 елның 12 гыйнварыннан Кукмара районында.

Хәзер Ятмас-Дусай авыл җирлеге составында.

1957 елдан – поселок “Нырты” совхозы (Нырты совхозы поселогы), 1983 елдан – “Дусай” (Ятмас-Дусай авылы) (1994 елдан “Дусай” күмәк авыл хуҗалыгы предприятиесе, 2003 елдан “Дусай” авыл хуҗалыгы җитештерү кооперативы), 2002 елдан – “Мишә” авыл хуҗалыгы җитештерү кооперативы, 2006 елдан – “Дуслык”агрофирмасы” җаваплылыгы чикләнгән җәмгыяте (“Мишә” бүлеге), 2017 елдан “Искра” җаваплылыгы чикләнгән җәмгыяте составында.

Халкы күбесенчә крәстиян-фермер хуҗалыкларында эшли, кырчылык һәм терлекчелек белән шөгыльләнә.

1930 елларда поселокта башлангыч мәктәп ачыла. Клуб һәм мәктәп бер бинада урнаша, 1966 елда ябылалар.

Чишмә бар.

1970 елда – 189,
1979 елда – 123,
1989 елда – 57,
2002 елда – 36,
2010 елда – 30,
2017 елда – 25 кеше (татарлар – 80%, руслар – 20%).