Көшкәтбаш

1711 елдан мәгълүм.

1860 елларга кадәр халкы дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

XX йөз башында авылда изге Гурий борадарлеге мәктәбе (1882 елда ачыла) эшли.

Авыл җәмәгатенең имана җире 630,3 дисәтинә тәшкил итә.

1920 елга кадәр Казан губернасының Мамадыш өязе Ядегәр волостена керә. 1920 елдан – ТАССРның Мамадыш, 1921 елдан Арча кантонында. 1930 елның 10 августыннан – Кукмара, 1963 елның 1 февраленнән – Саба, 1965 елның 12 гыйнварыннан Кукмара районында.

Хәзер Югары Чура авыл җирлеге составында.

1930 елда авылда “Җиләклек” колхозы оештырыла, 1950 елдан – “Заветы Ильича” колхозы (Югары Чура авылы), 1994 елдан – “Дуслык” крәстиян хуҗалыклары берләшмәсе, (2003 елдан – “Дуслык” авыл хуҗалыгы җитештерү кооперативы, 2005 елдан – “Намус” җаваплылыгы чикләнгән җәмгыяте, 2011 елдан – “Лельвиж” җаваплылыгы чикләнгән җәмгыяте (2012 елдан “Лельвиж” авыл хуҗалыгы җитештерү кооперативы), 2013 елдан Вахитов исемендәге авыл хуҗалыгы җитештерү кооперативы составында.

Халкы кырчылык белән шөгыльләнә.

1782 елда – 102 ир-ат;
1859 елда – 219,
1897 елда – 339,
1908 елда – 364,
1920 елда – 420,
1926 елда – 427,
1938 елда – 304,
1949 елда – 258,
1958 елда – 169,
1970 елда – 159,
1979 елда – 87,
1989 елда – 57,
2002 елда – 24,
2010 елда – 3,
2017 елда – 5 кеше (керәшен татарлар).