Абыз

XVII йөздә Кече Салтык авылыннан күчеп утыручылар нигез сала. Революциягә кадәрге чыганакларда Кече Салтык исеме белән дә телгә алына.

XVIII йөз – XIX йөзнең беренче яртысында халкы дәүләт крәстияннәре катлавына керә. Бу чорда халкының төп шөгыле – игенчелек һәм терлек асрау.

XX йөз башында авылда шулай ук 3 җил тегермәне, 2 ярма яргыч, йон тетү бинасы, вак-төякләр кибете эшли.

Бу чорда авыл җәмәгатенең имана җире 555,8 дисәтинә тәшкил итә.

1920 елга кадәр Казан губернасының Тәтеш өязе Олы Яңасала волостена керә. 1920 елдан ТАССРның – Тәтеш, 1927 елдан Буа кантонында. 1930 елның 10 августыннан – Кама Тамагы, 1963 елның 1 февраленнән – Тәтеш, 1965 елның 12 гыйнварыннан Кама Тамагы районында.

Хәзер Олы Салтык авыл җирлеге составына керә.

1931 елда авылда «Казбек» колхозы оештырыла, 1950 елдан зурайтылган «1 Май» колхозы составында (башта үзәк утары – Абыз авылында, 1970 еллар ахырыннан 1980 еллар башына кадәр – Олы Салтык авылында).

1782 елда – 60 ир заты;
1859 елда – 248,
1897 елда – 350,
1908 елда – 398,
1920 елда – 383,
1926 елда – 239,
1958 елда – 85,
1970 елда – 48,
1979 елда – 33,
1989 елда – 10 (татарлар),
2002, 2010 һәм 2017 елларда даими яшәүчеләр юк.