Камыллы

1927 елда Иске Тәрбит авылыннан күченүчеләр тарафыннан нигез салына.

Оештырылган вакытыннан ТАССРның Зөя кантонында. 1927 елның 14 февраленнән – Кайбыч районында. 1944 елның 19 февраленнән – Подберезье, 1956 елның 14 маеннан – Кайбыч, 1963 елның 1 февраленнән – Буа, 1991 елның 19 апреленнән Кайбыч районында.

Хәзер Иске Тәрбит авыл җирлеге составында.

1930 елда “Искра” колхозы (беренче рәисе – Я.И.Иванов) оештырыла, 1950 елда – Разин исемендәге колхоз (Иске Тәрбит авылы), 1952 елда –“Восход” колхозы (Олы Тәрбит, Иске Тәрбит, Мәлки, Чүти авыллары) составына керә. 1994 елдан – “Заря” крәстиян хуҗалыклары ассоциациясе.

Халкы күбесенчә кырчылык, сарык асрау белән шөгыльләнә.

1972 елга кадәр авылда башлангыч мәктәп эшли. 1960 елларда клуб төзелә, 2015 елда сүтелә.

И.Е.Микусев (1937 елда туган) – хирург, травматолог-ортопед, медицина фәннәре докторы, РФ һәм ТРның атказанган табибы, ТР Дәүләт бүләге лауреаты;

Ю.Е.Микусев (1944–2014) – невролог-реабилитолог, медицина фәннәре докторы.

1926 елда – 385,
1938 елда – 327,
1949 елда – 286,
1958 елда – 223,
1970 елда – 261,
1979 елда – 145,
1989 елда – 82,
2002 елда – 50,
2010 елда – 59,
2017 елда – 44 кеше (татарлар – 95%, чуашлар – 4%).