Байтуган

Авыл 1723 елдан мәгълүм.

XVIII–XIX йөзләрдә халкы дәүләт крәстияннәре һәм типтәрләр катлауларына бүленә. Бу чорда халкының төп шөгыле – игенчелек, терлекчелек, шулай ук чыпта сугу һәм олаучылык кәсепчелеге тарала.

XX йөз башында авылда тегермән эшли.

Авыл җәмәгатенең имана җире 497,4 дисәтинә тәшкил итә.

1919 елга кадәр авыл – Вятка, 1919 елдан – Казан, 1920 елдан – Вятка губернасының Алабуга өязе Бима волостенда.

1921 елның гыйнварыннан – ТАССРның Алабуга (июньгә кадәр өяз), декабреннән – Әгерҗе, 1924 елдан – Алабуга, 1928 елдан Чаллы кантонында.

1930 елның 10 августыннан – Красный Бор, 1960 елның 28 октябреннән – Бондюг, 1963 елның 1 февраленнән – Алабуга, 1964 елның 4 мартыннан Әгерҗе районында.

Хәзер Күләгәш авыл җирлеге составына керә.

1955 елда авыл “Коммунар” колхозы (Күләгәш авылы) составына керә, соңрак “Активист” колхозы, 1968 елда – “Красный Бор” колхозы итеп үзгәртелә.

1988 елдан – “Күләгәш” совхозы, 1995 елдан “Күләгәш” авыл хуҗалыгы кооперативы, 1997 елдан – “Күләгәш” авыл хуҗалыгы җитештерү кооперативы, 2002 елдан “Онар” җаваплылыгы чикләнгән җәмгыять.

Халкы күбесенчә “Ак Барс – Әгерҗе” агрофирмасы” җаваплылыгы чикләнгән җәмгыятьтә (2005 елдан) эшли, кырчылык, сөт терлекчелеге, дуңгыз асрау белән шөгыльләнә.

Авылда башлангыч мәктәп (2006 елдан), клуб бар.

1859 елда – 128,
1887 елда – 158,
1920 елда – 204,
1926 елда – 188,
1938 елда – 217,
1949 елда – 199,
1958 елда – 188,
1970 елда – 194,
1989 елда – 138,
2002 елда – 138,
2010 елда – 129,
2015 елда – 137 кеше (марилар).