Татар Үбие

1723 елдан мәгълүм (бер версия буенча, Казан ханлыгы чорында нигез салына).

1720 елларда халкы дәүләт крәстияннәре катлавына керә, 1835–1860 елларда Удел ведомствосы карамагында була. Бу чорда халкының төп шөгыле – игенчелек һәм терлекчелек, шулай ук сезонлы авыл хуҗалыгы эшләренә китеп эшләү тарала.

XX йөз башында авылда мәчет, мәдрәсә, поташ заводы (1930 еллардан соң ябыла), 4 сәүдә-сәнәгать оешмасы була.

Авыл җәмәгатенең имана җире 586,7дисәтинә тәшкил итә.

1920 елга кадәр Сембер губернасының Буа өязе Үби волостена керә. 1920 елдан ТАССРның Буа кантонында. 1930 елның 10 августыннан – Чүпрәле, 1963 елның 1 февраленнән – Буа, 1966 елның 30 декабреннән Чүпрәле районында.

Хәзер Үби авыл җирлеге составында.

1931 елда Сталин исемендәге колхоз (беренче рәисе – И.Т.Туктаров) оештырыла, 1959 елдан Чапаев исемендәге колхоз (Яңа Үби авылы) составында, 1994–2009 елларда – “Восход” крәстиян хуҗалыклары ассоциациясе. 2015 елдан колхоз җирләре “П.В.Дементьев исемендәге агрофирма” җаваплылыгы чикләнгән җәмгыяте карамагында.

Авылда мәчет (2001 елдан) бар.

Ә.Б.Булатов (1901–1982) – журналист, язучы, тарих фәннәре кандидаты, СССР Журналистлар берлеге әгъзасы, Гражданнар һәм Бөек Ватан сугышларында катнаша;

Һ.Һ.Солтанов (1915–2009) – драма актеры, ТАССРның халык артисты, Бөек Ватан сугышында катнаша, 1 нче һәм 2 нче дәрәҗә Ватан сугышы орденнары кавалеры.

1859 елда – 197,
1897 елда – 318,
1913 елда – 476,
1920 елда – 408,
1926 елда – 382,
1938 елда – 377,
1949 елда – 269,
1958 елда – 190,
1970 елда – 332,
1979 елда – 173,
1989 елда – 74,
2002 елда – 68,
2010 елда – 51,
2018 елда – 48 кеше (татарлар).