Керәшен Ялтаны

1710–1711 еллардан мәгълүм. Революциягә кадәрге чыганакларда шулай ук Починок Елтань по речке Наратле Илге буларак та искә алына.

1860 елларга кадәр халкы дәүләт крестьяннары катлавына керә (элекке чукындырылган татарлар); 1903 елда авыл халкы арасында шулай ук чувашлар һәм 62 мөселман исәпләнә. Бу чорда халкының төп шөгыльләре – игенчелек һәм терлекчелек.

Хәзерге Аксубай районындагы Саурыш авылының Рождество чиркәве приходына карый. 1900 елда Изге Гурий борадәрлеге мәктәбе ачыла (1903 елда 23 ир бала һәм 2 кыз бала укый.

XX йөз башында укырга-язарга өйрәтү мәктәбе (1903 елда 35 ир бала һәм 5 кыз бала укый), 2 тегермән, тимерчелек, вак-төякләр кибете эшли. Авыл җәмәгатенең имана җире 585 дисәтинә тәшкил итә.

1920 елга кадәр авыл Казан губернасының Чистай өязе Яңа Әдәм волостена керә. 1920 елдан ТАССРның Чистай кантонында. 1930 елның 10 августыннан – Чистай, 1935 елның 10 февраленнән – Кызыл Армия, 1958 елның 23 маеннан Чистай районында.

Хәзер Чуаш Ялтаны авыл җирлеге составында.

1931 елда «Сигнал» колхозы оештырыла. 1950 елдан авылда – эреләндерелгән Ленин исемендәге колхоз (үзәк утары – Чуаш Ялтаны авылы), 1957 елдан – «Алга» (үзәк утары – Изгар авылы), 1965–2000 елларда «Искра» (үзәк утары – Чуаш Ялтаны авылы) совхозлары эшли.

2013 елда Россия яңа газап чигүчеләр һәм тәүбә китерүчеләр кәшәнәсе төзелә.

Авылда төзекләндерелгән чишмә бар.

Авыл янында археология истәлекләре – Керәшен Ялтаны туктаулыгы (Буралы курган культурасы), Керәшен Ялтаны I–IV авыллыклары һәм Керәшен Ялтаны шәһәрлеге (монголларгача чор болгар ядкәрләре) табыла.

Д.В.Карликов (1941 елда туган) – генетик, авыл хуҗалыгы фәннәре докторы;

Н.А.Савельев (1931–2016) –ТАССРның, РФнең атказанган авыл хуҗалыгы хезмәткәре, Чистай районының «Йолдыз» совхозы директоры (1971–2000), Ленин, Хезмәт Кызыл Байрагы, ике «Почет билгесе» орденнары кавалеры.

1782 елда – 64 ир-ат;
1859 елда – 296,
1897 елда – 517,
1908 елда – 617,
1920 елда – 678,
1938 елда – 397,
1949 елда – 350,
1958 елда – 325,
1970 елда – 249,
1979 елда – 177,
1989 елда – 58,
2002 елда – 11 кеше (мөселман татарлар – 64%, керәшен татарлар– 27%),
2010 елда – даими яшәүчеләр юк,
2017 – 4 кеше.