Саминовка

1930 елларда нигезләнә.

Нигезләнгән вакытыннан авыл Беренче Май, 1963 елның 1 февраленнән – Октябрь, 1965 елның 12 гыйнварыннан – Чирмешән районында.

Хәзер – Ульяновка авыл җирлегендә.

1928 елда авылда “Радио” колхозы оештырыла. 1957 елда Ворошилов исемендәге колхозда (үзәк утары – Ульяновка авылы), соңрак ул XX партсъезд исемендәге колхоз итеп үзгәртелә. 1971 елда яңадан Ворошилов исемендәге колхоз. 1996 елдан авыл Ворошилов исемендәге крестьян хуҗалыгы кооперативлары ассоциациясендә (үзәк утары – Ульяновка авылы). 2002–2007 елларда Ворошилов авыл хуҗалыгы җитештерү кооперативы эшли. 2005–2016 елларда “Ульяновка” җаваплылыгы чикләнгән җәмгыяте.

Халкы башлыча үсемлекчелек, терлекчелек белән шөгыльләнә.

1945–1978 елларда авылда башлангыч мәктәп эшли.

1949 елда – 199,
1958 елда – 138,
1970 елда – 143,
1979 елда – 132,
1989 елда – 87,
2002 елда – 88,
2010 елда – 84,
2020 елда – 69 кеше (чувашлар).