Яктыялан

Авылга 1920 елларда нигез салына. Беренче исеме – Алга, 1930 елларда – Якты Елань.

Оештырылган вакытыннан ТАССРның Бөгелмә кантоны Бөгелмә волостенда. 1930 елның 10 августыннан Бөгелмә районында.

Хәзер Яңа Сумароково авыл җирлеге составына керә.

1931 елда авылда “Яшәр” колхозы оештырыла, 1952 елда – Разин исемендәге колхоз (Ростовка авылы), 1957 елда берләштерелгән “Сокольский” совхозы составына керә, 1967 елда “Сумароковский” совхозы итеп үзгәртелә, 1989 елда мөстәкыйль “Ростовский” совхозына аерылып чыга.

1998 елда – ике крәстиян-фермер хуҗалыгы, 2001 елда “Яшәр” авыл хуҗалыгы җитештерү кооперативы оештырыла.

Халкы сөт терлекчелеге белән шөгыльләнә.

1926 елда – 88,
1938 елда – 175,
1949 елда – 141,
1958 елда – 119,
1970 елда – 126,
1979 елда – 93,
1989 елда – 58,
2002 елда – 74,
2010 елда – 60,
2015 елда – 72 кеше (татарлар).