Восточный

1969 елда нигез салына.

Оешкан вакытыннан Бөгелмә районында. Хәзер Восточный авыл җирлеге үзәге.

1969 елда поселокта Еновка авылы белән бергә “Восточный” җәнлек совхозы (оештыручысы һәм беренче директоры – Н.В.Печенин) оештырыла, ул кыйммәтле мех бирә торган җәнлек (чәшке, саз кондыз, йорт куяны, ак төлке, кара көрән төлке) үрчетү буенча махсуслаша. Ярдәмче тармак буларак терлекчелек булдырыла.

2010 елда җәнлек совхозы ябыла.

Поселокта мәдәният һәм көнкүреш объектлары, торак йортлар төзелә.

Халкы күбесенчә крәстиян-фермер хуҗалыкларында эшли, җәнлек үрчетү һәм сөт терлекчелеге белән шөгыльләнә.

1975 елда сигезьеллык мәктәп ачыла, 1976 елда – урта, 2014 елда тулы булмаган урта мәктәп итеп үзгәртелә.

Поселокта мәдәният йорты (1981 елдан), китапханә, балалар бакчасы (1978 елдан), фельдшер-акушерлык пункты (1982 елдан) эшли.

1979 елда – 428,
1989 елда – 812,
2002 елда – 770,
2010 елда – 760,
2015 елда – 716 кеше (татарлар – 56%, руслар – 28%).