Яушев Әхмәт Мөхәммәт улы

1925 елның 25 декабре, Казан — ?

Казан авиация техникумын (1943), Казан авиация институтын (1949) тәмамлый.

1941–1952 елларда Казанның 16 нчы моторлар төзү заводында эшли.

1952–1958 елларда Казан авиация институтында укыта.

1958 елдан Казан компрессорлар заводында: баш технолог, баш инженер.

1966–1987 елларда Казан «Электроприбор» заводы директоры.

Яушев җитәкчелегендә предприятиедә реконструкция уздырыла; двигательләрнең температурасын һәм көчәнешен, самолётларның кабиналарында һәм салоннарында кондиционерлауны автомат көйләү һәм контрольдә тоту системаларын, МиГ-23, МиГ-27 һ.б. самолётлар белән автомат идарә итү системаларын эшләп чыгару үзләштерелә.

Уйлап табуга авторлык таныклыгы бар.

Ленин ордены, Хезмәт Кызыл Байрагы, Халыклар дуслыгы орденнары, медальләр, ТАССР ЮС Президиумы Мактау грамотасы белән бүләкләнә.