Якты Юл

Поселокка 1920 елларда нигез салына.

Нигез салынган көннән поселок ТАССРның Бөгелмә кантоны Әлки волостена керә. 1930 елның 10 августыннан – Тымытык, 1931 елның 20 октябреннән – Азнакай, 1963 елның 1 февраленнән – Әлмәт, 1965 елның 12 гыйнварыннан Азнакай районнарында.

Хәзер Кәкре Елга авыл җирлегенә керә.

1929 елда поселокта «Якты юл» колхозы оештырыла, 1950 елларда «Марс» колхозы (Кәкре Елга авылы) составына керә.

1998 елда « Баянов һәм К°» авыл хуҗалыгы продукциясен җитештерү кооперативы итеп үзгәртелә. 2004 елдан «Марс» җаваплылыгы чикләнгән җәмгыять составында.

1938 елда – 164,
1949 елда – 115,
1958 елда – 98,
1970 елда – 113,
1979 елда – 101,
1989 елда – 61,
2002 елда – 37,
2010 елда – 30,
2015 елда – 20 кеше (татарлар).