Коратун

XVIII йөз уртасында нигез салына. Революциягә кадәрге чыганакларда Иванаево Пүчинкәсе исеме белән дә билгеле.

1860 елларга кадәр халкы дәүләт крәстияннәре катлавына керә. Бу чорда халкының төп шөгыле –  игенчелек, терлекчелек.

XX йөз башында авылда су тегермәне, тимерче алачыгы, казна шәраб кибете, 3 ашханә, юлаучылар йорты була; дүшәмбе саен базар эшли.

Авыл җәмәгатенең имана җире 128 дисәтинә тәшкил итә.

1920 елга кадәр Казан губернасының Тәтеш өязе Урта Балтай волостена керә. 1920 елдан ТАССРның – Тәтеш, 1927 елдан Буа кантонында. 1930 елның 10 августыннан – Апас, 1963 елның 1 февраленнән – Тәтеш, 1964 елның 4 мартыннан Апас районында.

Хәзер Биеш авыл җирлеге составына керә.

1959 елдан – “Берек” колхозы, 1959–2004 елларда – Горбунов исемендәге колхоз, хәзер “Свияга” авыл хуҗалыгы предприятиесе җаваплылыгы чикләнгән җәмгыять составында. Халкы күбесенчә шул җәмгыятьтә эшли.

Х.С.Сафин (1884–1955) – СССР Югары Советының Милләтләр советы депутаты (1946–1950).

1859 елда – 56,
1897 елда – 193,
1908 елда – 254,
1920 елда – 174,
1926 елда – 144,
1938 елда – 117,
1949 елда – 57,
1958 елда – 78,
1970 елда – 80,
1979 елда – 60,
1989 елда – 47,
2002 елда – 40,
2010 елда – 40,
2015 елда – 62 кеше (татарлар).