Салихов Маркез Бикмулла улы

1894 –?

1918 елдан Кызыл Армиядә.

Бөек Ватан сугышы башлангач 60 нчы укчы дивизия командиры.

Вазифасыннан азат ителә, полковник дәрәҗәсенә кадәр төшерелә һәм 275 нче укчы дивизиянең 980 нче укчы полкы командиры итеп билгеләнә.

1941 елның августында чолганышта кала, әсирлеккә эләгә, шуның өчен Югары суд Хәрби коллегиясе тарафыннан атырга хөкем ителә.

Үз теләге белән немецларга хезмәткә күчә, Варшава разведка мәктәбенең Кёнигсберг шәһәрендәге филиалы башлыгы (1943).

Аннан соңгы язмышы билгесез (Төркиягә күчеп киткән дип фаразлана).

Автор: Р.А.Кашапов