1997 елның 1 гыйнварында нигез салына, 2006 елның 24 ноябрендә ачыла. Аерым бер катлы агач бинада урнашкан. Экспозиция мәйданы 166 м2, музей фондларында 4 меңнән артык саклау берәмлеге исәпләнә.

Экспозиция 2 залда урнашкан. Беренче залда – археология һәм палеонтология коллекцияләре, XIX йөз ахыры — XX йөз башы татар милли костюмы, татар гамәли бизәлеш сәнгате һәм сәнгать һөнәрләре әсәрләре, 1930 һәм 1950 еллардагы татар өе күренешләре. Икенче залда – Теләче районы оешу турында материаллар, язучылар М.М.Хәсәнов, Ф.Х.Хөсни, җырчы Т.Якупов, комп. Ф.Х.Хатыйповның шәхси әйберләре.

Иң кыйммәтле экспонатлар арасында — татарларның XIX йөз ахыры — XX йөз башы зәркән бизәнү әйберләре.

Музей ел саен Шигърият көнен (26 апрель), Халыкара музейлар көнен (18 май) билгеләп үтә.

Татарлар турында

Бохараев Равил Рәис улы
Урманче Бакый
Казан татарлары
Тукай Габдулла