Патии (Патиев) Кашшаф (Габделкашшаф)

Гомер еллары: XIX йөз ахыры, Сембер губернасы Зимничә авылы — XX йөз башы.

1909 елда туган авылында мулла.

Шигырьләре һәм публицистик мәкаләләре «Идел» газетасында, «Шура» журналында басыла. 1910 елда беренче шигъри җыентыгы чыгу уңаеннан «Идел» газетасы: «Гүзәл, милли вә тәэсирле шигырьләр. Кәшшаф Патии җәнабләренә ошбу мәҗмугадагы шигырьләре илә Г.Тукаевтан соң беренче шагыйребез диюгә лаектыр», — дип язып чыга. «Патии шигырьләре» (1910), «Әшгар» (1915) исемле җыентыклар авторы.

Габделкашшаф Зимнәчәви псевдонимы белән 1906 елда басылган «Тугыз чәчәк» исемле китап авторы дип фаразлана.

Татар шигърияте. ХХ гасыр башы. К., 2004.