Мелузников Анатолий Александрович

1909 елның 2 апреле, хәзер Иваново өлкәсенең Кинешма шәһәре — 1958 елның 5 ноябре, Казан.

1932 елдан Казанда яши.

1933 елдан «Красная Татария» газетасы редакциясендә, 1947 елдан башка газеталарда, «Чаян» журналында эшли.

Балалар өчен язылган «Без шулай яшибез» («Так мы живём», 1952), «Полкан белән Васька» («Полкан и Васька», 1952), «Кошлар, хайваннар һәм җәнлекләр хакында» («Про птиц, животных и зверей», 1959) шигъри җыентыклары, «Өч әкият» («Три сказки», 1957), «Мәсәлләр һәм фельетоннар» («Басни и фельетоны», 1958) китаплары авторы.

Рус теленә К.Нәҗми, Г.Кутуй, Ә.Исхак, С.Баттал, Б.Рәхмәт, Җ.Тәрҗеманов, З.Нури, Н.Арсланов һ.б.ның шигырьләрен тәрҗемә итә.

Бөек Ватан сугышында катнаша.

Гиниятуллина А. Писатели Советского Татарстана: Биобиблиогр. справ. К., 1970.