Булгаков Александр Николаевич

1911 елның 25 августы, Кырым, Феодосия шәһәре – 1978 елның 11 апреле, Казан шәһәре.

Мәскәү төзүче-инженерлар институтын тәмамлый (1937), Ерак Төньяк һәм Ерак Көнчыгыш төзелешләрендә эшли.

1953 елдан Казанда яши, төзелеш оешмасында баш инженер була.

1957 елдан башлап беренче хикәяләрен һәм очеркларын «Смена», «Огонек», «Наш современник» журналларында бастыра. «Сквозь пургу» (1958), «Трасса поднимается в горы» (1959), «Будем жить» (1965), «Северный ветер» (1971) хикәя һәм повесть җыентыклары авторы.

Ике Хезмәт Кызыл Байрагы ордены белән бүләкләнә.

Даутов Р.Н., Нуруллина Н.Б. Совет Татарстаны язучылары: Биобиблиографик белешмә. Казан, 1986.

Гиниятуллина А. Писатели Советского Татарстана: Биобиблиографический справочник. Казань, 1970.