Баязитский Зәки

1889 ел – 1959 ел, Казан шәһәре.

1908 елдан «Сәйяр» труппасы актеры. 1914–1916 елларда «Төркестан» үзбәк труппасы җитәкчесе А.Авлони чакыруы буенча Ташкентта режиссер һәм актерлык осталыгы буенча педагог булып эшли.

1917 елда «Нур» труппасында актер һәм режиссер. Гражданнар сугышы елларында фронт театр труппаларында эшли.

1923–1924 елларда Татар театр техникумының беренче директоры, 1924–1926 елларда Татар дәүләт театры (хәзерге Татар академия театры) директоры.

Баязитский җитәкчелегендә даими эшли торган беренче профессор татар театр труппасы формалаша, театр бинасы яңартыла (элекке Сәүдәгәрләр җыены, хәзерге Яшь тамашачылар театры).

1938 елда репрессияләнә, 1954 елда аклана.

Татар профессор театрының формалашуында һәм үсешендә сизелерлек роль уйный. Ирләр һәм хатын-кыз рольләрен башкара: Нәгыймә («Банкрот», Г.Камал), Феклуша («Яшенле яңгыр», А.Н.Островский), Җаббар («Ачлык кушты», Я.Вәли), Әхмәт («Яшьләр», Ф.Әмирхан) һ.б.

Автор – И.И.Илялова