Зыятдин бине Хисаметдин бине Корамшаһ бине Корбангали

1870–1930 еллар, фаразлау буенча, хәзерге Әлмәт районыны Чупай авылы.

Зыятдин бине Хисаметдин бине Корамшаһ бине Корбангали тарафыннан 1920-21 елларда эшләнгән кабер ташлары Колшәрип, Мәмәт, Чупай авыллары зиратларында саклана. Кабер ташлары акташтан, турыпочмаклы һәм очлары ярымтүгәрәк формада эшләнгәннәр. Үлчәмнәре якынча 80×47×15 см. Өске өлешләрендә, гадәттәге ташларга хас булганча, яңгыр суы җыела торган уем уелган – бу аларга кунган кошлар эчәр өчен ясалган. Кабер ташының алгы ягындагы язулар гарәп графикасында сөлес һәм тәгъликъ стиле белән, яссы рельефта һәм тирән итеп график ысул кулланып уелганнар; гадәттәгечә, туры сызыкларга бүленгән 9 рәткә урнашканнар, бизәкләре юк. Текст, нигездә, гарәп телендә язылган. Ел вакытлары гарәп саннары белән Европа календаре системасында китерелгән.

Ташка уеп язучының «Кәтәбә – Зыятдин» («Язучы-Зыятдин»), «Кәтәбә Зыятдин бине Хисамеддин бине Корамшаһ бине Корбангали», «Кятиб Зыятдин бине Хисаметдин Чупай каръясеннән» рәвешендә исеме язылган.

Әхмәтҗанов М. Үлгәннәрнең каберен бел: Әлмәт төбәге эпиграфик истәлекләре. Казан, 2000. 47, 149-150 б.

Автор – М.И.Әхмәтҗанов